HANNES VOLUIT VORENTOE
My kind, jy moet doen wat jou gelukkig maak! Met dié woorde van sy ouers, Hennie en Mariet, het Hannes van Wyk, die gemoedelike ankeraanbieder van die kykNETjoernaalprogram Kwêla, die toekoms omhels en ’n loopbaan uitgekap waarop hy trots is.
“Dit is die grootste geskenk wat hulle my ooit kon gee. Ek sal hulle altyd dankbaar wees. My wonderlike ouers was gewone plattelandse mense wat drie kinders geleerdheid gegee het en hulle dikwels tekort moes doen om ons alles te gee. Hulle het ons grootgemaak om aan ander te doen wat jy wil hê hulle aan jou moet doen. Ek probeer dit elke dag uitleef.”
Hannes is die laatlammetjie. Sy broer, Attie, werk in die korporatiewe wêreld in Johannesburg en sy suster, Wena, is ’n verpleegkundige in Bloemfontein.
Hannes se pa is vyf jaar gelede op 79 oorlede en sy ma (85) woon in ’n aftreeoord op hul tuisdorp Aliwal-Noord. “Ons is ontsettend lief
