Waar Jeanne Hugo van der Merwe haar ook al bevind, sorg sy dat sy papier byderhand het. Selfs toe sy vir ses jaar as kunsgalerydirekteur op passasierskepe oor die wêreld heen gevaar het, het sy dit altyd iewers aangekoop . . . Soms handgemaakte papier in Mexiko, as sy so gelukkig > < was, soms regte Fabriano-papier in Italië of dalk net ’n paar los velle wat sy op ’n piepklein dorpie naby Tauranga in Nieu-Seeland opgespoor het, maar daarsonder kon sy nie.
“Dis seker soos ’n dwelm vir ’n verslaafde, daar is net iets aan ’n skoon vel papier – en as dit boonop ’n sekere tekstuur het, roep dit my. Dit laat my hart sing. Jy het dalk geen idee wat daarvan gaan word nie, totdat jy jouself daarop begin uitleef,” sê sy.
Jeanne is ’n bekroonde visuele kunstenaar en ook die eienaar van ’n aanlyn galery, maar op die oomblik is dit veral
