HANDE WATWOEL
Hy steek sy hande in olieverf, begin vee oor ’n doek, en die mooiste tonele van seilbote op die water verskyn.
Maar Esref Armagan is blind sedert geboorte.
En tóg, dié skilder van Turkye maak die een ongelooflike kunswerk ná die ander. Hy ‘sien’ die prente in sy kop, ‘voel’ die kleure. Hy kan selfs visuele perspektief skilder. Harvard se mediese skool doen navorsing oor sy brein. Hy wil egter net bekendstaan as die man wat die wêreld voorstel deur sy vingerpunte.
Hande kan toor.
Of ’n mens in die grond woel en tuinmaak, deeg knie vir ’n goudbruin brood, ’n herinneringsplakboek maak, ’n brief met die hand skryf of potjies uit klei vorm - hande skep, hande voed, hande dien en hande bederf.
Die Griekse filosoof Aristoteles het gesê: ‘Die hand is die werktuig van alle werktuie.’
Ek dink ver terug na ’n dag in 2005 in die Slawemuseum in Kaapstad. Die multimedia-tentoonstelling daar deur die fotograaf Jac de Villiers het die hande en
