Hulle is sag op die oog en lag uitbundig terwyl die kamera kliek. Dis KFM se Tracey Lange en Tarryn Lamb. Nou wonder ’n mens: Word daar dalk na hulle as “The Two Ts” verwys in KFM H se gange?
“Dalk moet ons twee juis ’n show kry dan noem ons dit: ‘Spill the Tea,”’ sê Tracey (39), en dan gooi sy daai kekkellag wat luisteraars van dié Kaapse radiostasie so goed ken. En as Tracey lag, lag almal.
Tarryn (39) is immers ’n groot fan van haar kollega se flou grappies op die lug op Vrydae met Flou Joke Fridays, erken dié donkerkop-sangeres self. “Daai flou jokes sit in jou kop vas,” grinnik Tarryn.
Van jokes na hul lewensreis, staan een ding soos ’n paal bo water: Dié twee Kaapse vroue leef in dankbaarheid.
“Sommiges het ’n houding van: I’ve arrived,’’ sê Tracey. “Jy kan nooit op jou louere rus as dinge goedgaan nie. Harde werk bly ’n konstante ding, want dit kan alles môre weggeneem word.”
Tarryn is vandag innig dankbaar dat Tracey destyds gesê het sy sal vir haar bid toe die geleentheid hom voordoen om smiddae saam met Carl Wastie sy supergewilde program, The Flash Drive, aan te bied. “Ek was so bang, en toe sê Tracey ‘dis jou tyd; dis jou blessing’. Onthou, vrees kan ’n mens soms oorweldig.”
As sy vir mense sê sy sal vir hul bid, dan bid sy, sê Tracey. “Dis vir my belangrik. Ons sien mekaar nie gereeld by die werk nie