Ek het onlangs weer besef hoe baie ’n mens verloor as jy uit jou tuisdorp wegtrek.
Ja, ek weet die slimmes sê ’n mens groei meer as jy die bekende agterlaat vir groener weivelde. “Jy ervaar dinge wat jy net nooit andersins sou ervaar het nie,” sê hulle. Dít weet ek goed, maar ’n onlangse besoek aan my tuisdorp, Nababeep (“die Biep”), het ’n bittersoet smaak in my mond gelos.
Sedert ek in 1999 in die Kaap aangekom het, het ek baie gegroei en baie oor myself en
