AS JY dalk op die langpad verby ’n konvooi van drie kampeerbussies ry wat elk ’n parmantige Jimny-viertrekmotortjie sleep, kan jy maar gerus toet en waai. Want dis drie besonderse vriendinne agter die stuur van elk.
Marina Venter, Engela Erasmus en Daleen Osborne het meer as net hul rygoed in gemeen. Al drie is 65 jaar oud en het in onlangse jare weduwees geword ná hul tweede huwelik.
Maar eers het hul mans onwetend aan hulle ’n spesiale geskenk gegee: ’n bekendstelling aan die kampeerlewe. En toe die tyd aanbreek om ’n nuwe hoofstuk te begin, was die langpad hul uitkoms.
Die drie het afsonderlik by die Motorhome Club of South Africa aangesluit. In Oktober het al drie na ’n saamtrek
