Avontuur to huur!
Ons ry met groot opwinding uit die Strand en in Brackenfell verruil ons, ons motor vir die silwerskoon, ingerigte Suzuki Jimny Gen4 1.5 GLX. Donkergrys en blinknuut. Ons pak ons gevriesde vleis, wors, botter en kaas in die groot yskas wat laai terwyl jy ry en droë bestanddele in een van die swart kratte wat netjies vasgemaak is.
Die R27, of Weskuspad, strek wyd en oop voor ons uit. Die eerste stop is Blake Familie Wyne op die Yzerfonteinpad. Die lekkerte by Blakes Familie Wyne, wat in November hul eie proelokaal op pad na Yzerfontein oopgemaak het, is dat die klein deli langs die pizzeria jou toelaat om jou eie piekniekmandjie te pak, ‘n bottel wyn te kies en dan buite te kuier. As die weer draai, skuif almal binnetoe en dan kuier jy nóg lekkerder tussen die wynvate. Hulle pak ook kaasborde, maar ek sien almal wat nie pizza bestel het nie, kyk met lang oë na dié wat het.
Gordon Breaky en Dave Coleshill is die bekende pizzameesters by Gordo’s Pizzeria by House of Blake’s. Hulle is al etlike jare deel van die Yzerfontein lewe en maak elke oggend hul eie pizza-basis en sous. As dit uitverkoop is, is dit tjailatyd want Gordon, wat al sover as die eiland Maui gewerk het, glo aan varsheid. Niks moet oorstaan nie. Ons eet een van Gordon se bekende – of dalk eerder berugte met ‘n naam soos – pizza’s met hoender, grondboontjiebotter
You’re reading a preview, subscribe to read more.
Start your free 30 days