Om in die Desembervakansie vir ‘n paar weke die Suzuki Jimny vyfdeur te ry, het my die geleentheid gebied om hierdie klein 4x4 met sy groot hart intiem te leer ken. Vir die eerste week of wat het ek meestal Uber vir ons jongste dogter en haar vriendinne gespeel – en die twee ekstra deure en bykomende spasie agter het dit beslis makliker gemaak om vier tieners rond te karwei!
Uitstappies na die plaaslike kruidenierswinkel was ook ‘n briesie. Ek was bekommerd dat die laairuimte in gedrang sou kom met die addisionele sitplekke (met genoegsame beenspasie), maar die Jimny het al ons
