Oor Erfenisnaweek vanjaar het Suzuki ons genooi om die Jimny Gathering in Clarens by te woon. Die naweek het egter nie met ‘n rit na die Oos-Vrystaat afgeskop nie. Ons was bevoorreg om deel van ‘n klein mediagroep te wees om die splinternuwe vyfdeur Jimny op sy eerste sloertoer in Suid-Afrika te neem. Ons het dus na Durban gevlieg, waar ‘n paar splinternuwe Jimny’s op ons gewag het.
Die roete van Durban na Clarens was meer as 400km lank en het in oggend spitsverkeer begin. Soos die meeste mense was my aanvanklike gedagte dat ‘n groter Jimny ‘n groter enjin nodig sou hê, of ten