As jy al in die Kalahari gekamp of snags deur die Noord-Kaapse platteland gery het, het jy waarskynlik al gesien hoe helder die Melkweg daar skyn. Dit is soos ontelbare piepklein gaatjies lig wat die gitswart hemel deurdring.
In teenstelling daarmee word die sterre in ’n groot stad soos Johannesburg byna onsigbaar weens die groot hoeveelheid kunsmatige lig.
Dr. Bernard Coetzee van die Bernard Coetzee-navorsingsgroep illustreer hierdie verskynsel met die voorbeeld van die kragonderbrekings wat die grootste deel van Los Angeles in duisternis gelaat het ná ’n aardbewing in Januarie 1994.
Die 911-nooddiens het talle oproepe gekry van besorgde inwoners wat sê hulle sien “’n reusagtige silwerige wolk in die lug”. In der waarheid was dit die heel eerste keer dat daardie stedelinge die Melkweg gesien het, die heelal wat ons sonnestelsel insluit.
Ongeveer 80% van
