Opportunistiese uitsprake oor die landbou ter wille van stemwerwing, korrupsie en plaasmoorde was een te veel vir Doeks Rothmann. Toe besluit hy in 2016 om sy Suid-Afrikaanse tentpenne uit te trek en dit by Ghanzi in Botswana te gaan inkap.
Doeks en sy seun, Dawie, het lank saam groente en graan by Brits in Noordwes geproduseer. Nou boer hy alleen in Ghanzi terwyl dit ook afstand skep “sodat Dawie meer op sy eie by Brits kan boer”.
As buurland is Botswana maklik bereikbaar – net minder as 900 km – en hy kan gereeld vir sy mense in Suid-Afrika gaan kuier. Dit is egter nie ’n stap wat ’n mens halsoorkop kan aanpak nie. “As jy in Botswana wil grond koop, moet jy dit eers adverteer. As ’n Botswana-burger nie belangstel nie, kan jy dit koop en dan 30% belasting betaal
