MOENIE dink wanneer Dozi volgende maand 60 raak, gaan dié wilde seun in ’n oompie verander, afskaal of dinge stadiger vat nie.
Inteendeel, hy gaan spoed optel. Vir die eerste keer in 10 jaar gaan hy die land deur toer én tussendeur sy gewoonte voortsit om elke oggend minstens ’n uur lank in die gim te oefen.
Maar daar is wel twee dinge wat hy hier aan die vooraand van sy volgende lewensfase finaal gegroet het. Drank én vroue het Dozi nou finaal uit sy lewe uitgesny.
“Kan jy sien hoekom sê ek ek’s weer op ’n baie gelukkige plek in my lewe?” sê die sanger.
Ons kuier op die stoep van sy opstal op ’n plot digby die Hartbeespoortdam. Agter hom kabbel die water rustig oor ’n kunsmatige
