WOERTS, jaag die klein meisietjie op ’n trapfiets hier by jou verby – eers teen die steil oprit op, dan weer met die afdraand na onder. Haar maer beentjies trap die pedale met mening. Haar uitdrukking is dié van sorgelose kindervreugde.
Die blondekoppie bly gefokus agter die stuur, so asof die oprit haar F1-renbaan is – een sonder ’n eindstreep.
Jy sien, klein Danika (7) is nie sommer enige rabbedoe nie.
Háár eindstreep is sy anderdag oor toe sy gehoor het haar kanker is in remissie.
En dat sy hier in die oprit op ’n trapfiets rondjaag – dat sy lééf – is ’n wonderwerk.
Fase 4-breinkanker, ’n medulloblastoom om presies te wees, is verlede jaar by haar gediagnoseer. ’n Gewas so groot soos ’n vuis is op haar brein gekry – skaars 2 mm van haar breinstam af, vertel
