WYFIE
WAAROOR GAAN DIT?
Wyfie volg vier eerstejaarkamermaats in die Pantera-vrouekoshuis aan die fiktiewe Eike-universiteit. Hulle leer mekaar beter ken om hopelik as beste vriendinne daar uit te stap.
Die eerstejaarstudente word gespeel deur die 7de Laners Beáta Bena Green as Shay en Kristen Raath as Kyla. Die Trompoppie-ster Celeste Loots is te sien as Amanda, en die aktrise Mienke Ehlers, wat in Dinge van ’n kind te sien was, vertolk die rol van Mia. Ook in die rolverdeling is Marguerite van Eeden, Adrian Steyn, Elzet Nel en Chelsea Thomas.
STUDENTELEWE KRY LEWE
Die lewe van ’n student het die reeks geïnspireer. “Baie van ons het in matriek uitgesien na universiteit, en as jy op universiteit kom, is dit asof jy ’n hele nuwe wêreld betree. ’n Mens maak nuwe vriende, goeies en slegtes,
