DIS ’n getuigskrif vir die soort mens wat Pedrie Wannenburg was. Selfs ná die oud-Bokheld se dood was dit hy wat sy vrou, Evette, die krag kon gee om die tienerseun wat vir sy dood verantwoordelik is te vergewe. Op 22 April 2022 het die 16-jarige Ali Alabadi in Greenhouse Road in Houston,
Texas, oor ’n rooi lig gery. Toe hy die polisiekar in sy truspieël sien flits, het hy die domste besluit van sy lewe geneem. Hy’t sy voet neergesit en probeer wegvlug.
Hy het die Wannenburgs se kar getref.
Pedrie, wat 41 was, en sy seun, Francois (toe 8), is per helikopter hospitaal toe geneem. Evette en hul dogter, Isabelle (toe 10), was net lig