Dis byna twee jaar sedert Angelique Billings (21) se hele gesin en haar gunstelingneef tragies uit haar lewe geruk is.
Toe Kuier haar storie destyds vertel het, was dié jong vrou wat vandag hier sit, ‘n heel ander mens: Tengerig, stil en absoluut verpletter. In só ‘n mate dat sy skaars haar woorde behoorlik kon uitkry.
Haar ma, Juliet (45), het op 27 April 2022 gesterf ná ‘n twee jaar lange kankerstryd. Vyf maande later, op 10 September, het haar pa, Albert sr., broer Peter-Jacques (26), en neef Kéan (20) tragies in ‘n gru-ongeluk naby hul huis op Gouda in die Wes-Kaap omgekom.
Die drie mans het op die toneel gesterf terwyl Angelique se broer Albert jr. (19) later in die hospitaal aan sy beserings beswyk het. Al vier was geliefde, kranige rugbyspelers wat
