Vroeër vanjaar het sy nog ywerig aan haar mondigwording aanstaande Maart begin beplan saam met haar ma, Juliet. En op haar beurt was Juliet kinderlik opgewonde oor haar enigste dogter se coming of age.
Maar Juliet het op 27 April gesterf ná ‘n twee jaar lange kankerstryd. En net vyf maande later, op 10 September, terwyl haar hart nog stukkend was oor die verlies van haar geliefde ma, het Angelique Billings (20) se ganse wêreld in duiegestort toe sy op een slag haar pa, twee broers en liefling-neef tragies in ‘n gru-ongeluk naby hul huis op Gouda in die Wes-Kaap verloor het.
Uit die Billings-gesin van vyf is Angelique nou die enigste oorblywende lid en boonop lê Kersfees nou sonder haar geliefdes voor, ‘n gesellige tyd waar gesinneen hartsmense saam feesvier.
Nee, niks gaan vanjaar verander nie, sê Angelique vasbeslote oor haar Kersplanne.“Ons het altyd Kersfees spandeer met familie en naasbestaandes, en ek beoog om vanjaar weer dieselfde te doen en dit deur te bring met familie en mense vir wie ekomgee en liefhet.”
Maar dit is inderdaad ‘n feit dat Kersfees nooit werklik weer vir Angelique dieselfde sal wees nie, want sy sal nie die pyn van haar geliefde ouers en broers kan wegwens nie.“Ek is baie hartseer, want die mense wat ek graag daar sou wou hê, is nie meer daar nie. Tog glo ek deur voort te bou op dit wat ons as gesin gedoen het, sal my vertroos.”
Op daardie noodlottige dag was
