Die jaar het pas begin, maar vir sommige was die eerste maand van 2024 alreeds oorweldigend. Terug werk toe, skool, skuld, druk van familie en vriende, jou gesondheid …
Maar jy hoef nie so gou al handdoek in te gooi nie. Al wat jy hoef te doen, is om net ‘n bietjie meer verdraagsaam teenoor jouself te wees. Die hele jaar lê immers nog voor —en, glo my, baie kan nog gebeur!
Hoe jy die jaar van hierdie punt af aanpak kan deurslaggewend wees, meen kenners. Die fout wat ons maak, is om soms te glo dít wat jy die graagste wil bereik, is buite jou vermoë of daar is te veel hindernisse op jou pad, of ander dinge wat prioriteit moet geniet bo jou
