DIE winter is op pad. Die dae raak korter (en donkerder – dankie, Eskom!) en alles word duurder. G’n wonder ons voel vuisvoos nie.
Dis ’n tyd van die jaar wat ons laat besin. En as jy bo 40 is en heeltyd wonder of jou lewe op koers is, staan jy dalk op die randjie van ’n middeljarekrisis.
In haar nuwe boek, The Midlife Crisis Handbook, bied die sielkundige dr. Julie Hannan ’n gids om hierdie tyd in jou lewe sinvol te hanteer en gee sy die toerusting en wenke waarmee jy die verwarring, konflik en vrees kan klop.
Hoe weet jy of jy ’n middeljarekrisis beleef en wat kan jy daaromtrent doen? In hierdie uittreksel gee sy sinvolle en sensitiewe raad hieroor.
‘TUSSEN die ouderdomme van 40 en 60 word mense ál meer bewus van die beperkings van die tweede helfte van hul lewe. Hulle kan begin voel tyd raak op en bewus word van hoe hul lyf agteruitgaan, wat dit ál moeiliker kan maak om aan hul idee van hulleself vas te hou. Hulle treur dalk ook oor die avonture van hul jong dae wat verby is en oor ’n verlies aan kreatiewe
