t – teelepel/s e – eetlepel/s k – koppie/s
RISSIE-&-PITMIELIE-CHAKALAKA
GENOEG VIR 6 MENSE, AS ’N BYKOS BEREIDING: 15 MIN. / GAARMAAK: 25-30 MIN.
Vir hierdie weergawe gebruik ons heel geblikte kersietamaties en gee dit ekstra skop met brandrissievlokkies, rooipeper, gerookte paprika en komyn. Jy kan selfs vars brandrissies van jou keuse pleks van brandrissievlokkies vir hierdie resep gebruik.
◗ 5 ml (1 t) komynsaad
◗ 30 ml (2 e) olie
◗ 2 uie, grofgekap
◗ 2-4 knoffelhuisies, gekap
◗ 5 cm vars gemmer, fyngekap
◗ 1 geel soetrissie, ontpit en in blokkies gesny (opsioneel)
◗ 5-10 ml (1-2 t) droë brandrissievlokkies
◗ 2,5 ml (½ t) rooipeper
◗ 15 ml (1 e) gerookte paprika
◗ 2,5 ml (½ t) droë tiemie (opsioneel)
◗ 100 g tamatiepasta
◗ 125 ml (½ k) hoenderaftreksel
◗ 1 x 410 g-blik kersietamaties
◗ 1 x 410 g-blik gekapte tamaties
◗ 1 x 410 g-blik pitmielies, gedreineer
◗ 15-20 ml (3-4 t) bruinsuiker
◗ 10 ml (2 t) rooiwynasyn
◗ sout, na smaak
1 Rooster die komynsaad in ’n droë pan tot geurig en liggies begin verkleur. Skep uit en hou eenkant.
2 Verhit die olie in ’n kastrol en braai die uie oor matige hitte tot sag. Voeg die knoffel, gemmer en soetrissie, indien gebruik, by en roerbraai tot geurig.
3 Voeg die brandrissievlokkies, rooipeper, geroosterde komynsaad, paprika en tiemie, indien gebruik, by en roerbraai nog 1 min.
4 Roer die tamatiepasta by en braai tot dit begin verkleur. Giet die aftreksel by en roer goed.
Voeg die kersietamaties en
