‘TOET-TOET!” raas dit buite die Babbelboomhuis.
“Wat maak so?” vra Palawa die kameelperd en steek haar lang nek by die venster uit om te sien waar die lawaai vandaan kom. “Dis Barend die bobbejaan. Hy is op sy bromponie. Dit lyk asof hy ’n pakkie by hom het,” sê sy.
“Oe, dis seker my pakkie. Ek het vroeër die week iets bestel,” sê Paloeka die leeu opgewonde.
“Ek sal dit gou gaan haal,” bied hul vriendin Bibi aan.
“Ag, dit is baie gaaf van jou,” sê Paloeka.
Bibi klim by die boomhuis se leer af. Ná ’n rukkie kom sy terug met die groot
