Daar is amper soveel handelsmerke vir pynstillers as wat jy soorte pyne kry. Dus: Jy moet weet watter een is reg vir jou spesifieke toestand, of dit nou ’n pyn, steek (deur ’n insek of plant) of ’n ander vorm van ongemak is. Dis nié so ingewikkeld as wat dit dalk met die eerste oogopslag lyk wanneer jy voor die winkelrak of by die apteektoonbank staan nie, sê dr. Jacques Snyman, waarnemende uitvoerende hoof van Agility Health en mediese direkteur: Knowledge Objects, direksielid van die Suid-Afrikaanse Mediese Vereniging en eertydse hoogleraar in farmakologie aan die Universiteit van Pretoria.
ONTHOU . . .
Alle medikasie het newe-effekte en dosisbeperkinge en oor-die-toonbank-pynstillers is nie ’n uitsondering nie. Raadpleeg die ingeslote inligtingspamflet. Voor jy oor-die-toonbank-middels koop, vertel jou dokter/apteker watter chroniese medikasie jy gebruik. Vra watter middels is die beste saam met jou chroniese medikasie, sê dr. Snyman. “Die beste benadering tot pynmedikasie is die laagste moontlike dosis vir die kortste moontlike tyd,” sê hy.
DIE HOOFTIPES
Daar is drie hoofkategorieë pynstillers.
