’MAMMA, hier - die menopouse- gedoente kry my onder,” kla die 49-jarige Jeanie Venter en gaan staan voor die waaier.
“My kind, dis maar ons vroue se lot vanaf ’n sekere ouderdom. Maar moenie te hard daaroor loop en kla nie.”
“En hoekom nogal nie? Dis die 21ste eeu, Ma. In vandag se tyd praat almal oor alles.”
“Onthou net, as jy dit voor ’n man noem, dink hy jy is oud en oor die muur.”
Jeanie gaan sit weer en mompel iets. “Ek is nie gepla wie wat sê nie. Dis nie ’n taboe onderwerp nie. En as ek warm kry, is dit nou maar een van daai dinge.”
“Ek sê maar net, Jeanie, as jy eendag wil trou, moet jy dalk minder kla.”
Jeanie staan vies op en loop by die agterdeur uit. “Ek daag enige man uit om deur te gaan waardeur ons vroue deurgaan.”
“Jy weet wat hulle sê oor mense wat met hulleself praat,” sê haar buurman Francois
