BORRELBROOD MET 'N CHARCUTERIE – BOLAAG
Vakansietyd is onthaaltyd – en dié maklike borrelbrood is die perfekte peuselhappie of voorgereg vir kuiergaste wat kom inloer. As jou tyd beperk is, kan jy sommer brooddeeg by die supermark koop, maar maak seker jou panne is vuurwarm sodat die deeg borrel terwyl dit bak.
Genoeg vir: 6-8
Bereidingstyd: 40 minute, plus rystyd
Baktyd: 5 minute per baksel
Oondtemperatuur: 220 °C
♥ 680 g (1 250 ml) witbroodmeel
♥ 10 ml sout
♥ 7 g (10 ml) kitsgis
♥ 30 ml olyfolie
♥ omtrent 430 ml louwarm water
CHARCUTERIE-BOLAAG
♥ 60 ml olyfolie
♥ 20 ml rooiwynasyn
♥ 1 knoffelhuisie, fyngedruk
♥ 140 g prosciutto of ander snye kouevleis van jou keuse
♥ 150 g klein mozzarellabolletjies (pearl mozzarella balls)
♥ 1 fles (280 g) gemarineerde artisjokke, gedreineer en in kwarte gesny
♥ 30 g vars basilieblare, geskeur
Sif die meel en sout in 'n groot mengbak. Roer die kitsgis by. Maak 'n holte in die middel van die meel. Klits die olyfolie by die water en voeg dit geleidelik by die meel om 'n sagte, kniebare deeg te vorm. Keer die deeg uit op 'n oppervlak wat liggies met meel bestrooi is en knie dit vir 10 minute tot dit glad en elasties is (jy kan ook 'n voedselverwerker met 'n deeghaak gebruik). Rol die deeg in 'n bol en plaas dit in 'n groot bak. Gooi 'n klam teedoekoor en laat dit vir 2 uur eenkant staan om te rys of tot dit in volume verdubbel het.
