‘BIBI het ’n groot witbord in die Babbelboomhuis staangemaak en teken ’n sneeuman. Bokant die sneeuman se kop trek sy ses strepies.
“Daarsy. Dis ’n woord wat uit ses letters bestaan,” sê Bibi vir haar maats Paloeka die leeu en Palawa die kameelperd.
Paloeka frons en Palawa vryf haar ken. Hulle verstaan nog nie hoe dié speletjie werk nie.
“Julle moet elke keer ’n letter raai, en dan sal ek die letter op die bord skryf. As die letter reg is, dan vul ek dit op die strepie
