Sedert die oertyd al vertel mense bangmaakstories oor slange, en dit is iets wat vir Johan Marais van die Afrika-slangbytinstituut dwars in die krop steek. Hy sê slange is nié skoorsoekers wat mense soek om seer te maak nie, maar eerder skugter en senuagtige diere wat verkies om te vlug eerder as veg.
Bedrywige vakansieoorde is grootliks slangvry juis omdat hierdie diere skugter is, maar as jy in ’n stiller nasionale park kamp, gaan jy moontlik die Bybelse oervyand raakloop.
1 Alle slange is giftig
Daar is 176 slangspesies in Suider-Afrika waarvan slegs 20 lewensgevaarlik en 30 relatief gevaarlik is. Dit los ons met 126 spesies waaroor jy jou nie hoef te bekommer nie.
2 Slanggif kan uit ’n bytplek gesuig word
Ons pak die skuld vir dié wanopvatting op ou cowboyflieks. Kwaksalwers verkoop deesdae pompies waarmee jy die gif van ’n slang uitsuig, maar dit is ondoeltreffend omdat gif onmiddellik deur jou bloed opgeneem word. Konyne is in 1962 al in ’n eksperiment deur J.H.
