’N MENS kan die Reinachs maar verskoon wanneer hulle dalk nie mooi kan onthou of hulle jou moet “hallo” of “bonjour” nie.
Want skaars ’n week ná die Springbokke en hul gesinne se triomfantelike terugkeer uit Frankryk is hul huurhuis hier in die Paarl vandag weer ’n gewoel terwyl hulle inpak. Sien, hulle moet oor net ’n paar uur wéér ’n vlug haal – terug Frankryk toe!
Want terwyl Suid-Afrika nog juig oor die Bokke se onvergeetlike Wêreldbekeroorwinning, moet Cobus (33) reeds weer vir sy Franse klubspan, Montpellier, gaan uitdraf.
Dit was omtrént ’n warrelwindweek vir die blitsige skrumskakel en sy vrou, Frances (34), en hul kinders, Richardt (4) en Elia (1) – die naelbyt en ekstase van die eindstryd teen die All Blacks, die euforie van aanhangers in die stadion, die landwye segetoer op die Bokbus.
Cobus kla nie, want hy het nou ’n tweede goue medalje om langs 2019 s’n te hang. En o ja, danksy RG Snyman het hy ook ’n Wiking-HOOFFOTO: haarsny om hul oorwinning in die toernooi te vier. “Dit was ’n baie beter idee op daardie oomblik,” sê Cobus skamerig oor sy nuwe kapsel.
“Wanneer het RG jou beetgekry?” vra Frances.
“Dit was die eerste dag wat ons in Suid-Afrika was,” antwoord hy. “Ek het gedink dis drieuur die oggend, maar ek het later uitgevind dit was tienuur die aand. Dis hoe jy tred verloor met tyd.”
Dié Vrystaatse boorling
