OM TE WEET
Jy hoef nie vir ewig die een te wees wat nooit haar mond tydens ’n vergadering oopmaak nie. Of dalk die persoon wat vasklou aan haar eie sieninge. Jy kán jou oopstel vir nuwe ervarings en selfs meer van ’n ekstrovert word as jy sou wou.
Navorsers glo nie meer, soos teoretici in die 1800’s, asook die bekende sielkundiges Sigmund Freud en Carl Jung of die ontwikkelaars van die Myers Briggs-persoonlikheidstoets in die twintigste eeu, dat persoonlikheid as kind vasgelê word en dan in marmer gegiet is nie.
Nuwe wetenskaplike data dui daarop dat ons wel ons persoonlikheid kan tweak, oftewel aanpas. Navorsers was geprikkel deur ’n bevinding wat in 2014 in die Journal of Research in Personality gepubliseer is: Daarvolgens is tussen 87% en 97% van ons ontevrede met ons persoonlikheid. Dié verrassend hoë syfer het tot talle nuwe studies gelei.
Maar hoekom sou ons dit wou verander?
Omdat die Groot Vyfpersoonlikheidstrekke wat ons emosies en gedrag bepaal – pligsgetrouheid en toewyding, openheid tot nuwe ervarings, emosionele stabiliteit (pleks van neurotisisme*), ekstroversie en ook inskiklikheid – verband hou met verhoudingstevredenheid, akademiese