Bly positief in 2020
“Hoe groter ons uitdagings, hoe moeiliker is dit om positief te bly,” sê dr Elizma van der Smit, ’n kliniese sielkundige.
Volgens dr Elizma is ons breine ontwikkel om na gevare en bedreigings te soek. “Om positief en gemotiveerd te bly, is ’n daaglikse oefening wat fokus en aandag vereis. Dit gebeur nie net vanself nie,” sê sy.
Volgens dr Elizma is positiwiteit ’n vaardigheid wat ontwikkel kan word deur die volgende agt dinge doelbewus te beoefen:
VIND DIE POSITIEWE
As jy jou in moeilike omstandighede bevind, vra jouself die volgende vrae af: Wat is die één ding wat positief is omtrent hierdie situasie? Wat is één geleentheid binne hierdie situasie? Sodoende leer en oefen jy jou brein om die positiewe in die lewe raak te sien.
ONTSPAN EN AANVAAR MOEILIKE OMSTANDIGHEDE
Om daarteen te baklei, vererger dit net. Moenie dinge probeer verander wat nie binne jou beheer is nie, maar skuif terselfdertyd
