AS JY in die 1980’s of 1990’s ’n seuntjie was, in die tyd toe flieks soos The Terminator, Predator en Conan the Barbarian verskyn het, is daar ’n kans jy het daarvan gedroom om eendag soos Arnold Schwarzenegger te lyk.
Dié vleispaleis was toe een van die bes betaalde akteurs – nie omdat sy toneelspelvermoë so waffers was of omdat hy ’n mooi gesiggie soos Tom Cruise gehad het nie – maar danksy sy bultende spiere, sy skouers wat hom soos ’n baksteengebou laat lyk het en die kakebeen wat seker deur ’n staalkabel kon byt.
Maar dit was toe.
Wanneer Arnold deesdae in die spieël kyk, sê hy vir homself: “You suck.”
Baie ouer ouens sal daarmee kan simpatiseer, en dalk