TERWYL ons by Emsie Schoeman kuier, maak sy onverwags ’n aankondiging wat ’n mens so waar as wraggies nooit sou verwag het om uit haar mond te hoor nie.
“Ek is so moeg vir die woord ‘etiketkoningin’ as daar na my verwys word,” sê sy. “Dit is ’n woord wat ’n joernalis 35 jaar gelede uitgedink het en toe bly dit vassteek.”
Kan dit wees? Etiket is dan die ding waarvoor geslagte Suid-Afrikaners haar ken. Sy is die vrou wat ons in tydskrifrubrieke en boeke soos geleer het jy sit nóóit ’n mes in jou mond nie. En nou weer is dit juis danksy dié titel dat sy as medebeoordelaar van se tweede seisoen aangestel is.
