ALLERHANDE wenke en inligting oor skoonheid word in families oorgedra. Dinge soos verfrisser maak jou porieë kleiner. Of sjokolade laat jou puisies kry. As jy ’n grys haar uitpluk, sal twee in sy plek uitgroei.
Sommige daarvan is die waarheid, en party is sommer wolhaarstories.
Daar kom egter ’n tyd wanneer ’n mens besef die oumense was toe tog reg oor ’n paar dinge. Dalk op die dag wanneer ’n plooi bly sit nadat jy gefrons het en jou tannie ’n goedversorgde wenkbrou lig.
Op die ou end is daar niemand beter om die groot skoonheidslesse in die lewe by te leer nie. Die ouer klomp weet wat op jou wag –