JOU VEL DEUR DIE JARE
JOU skoonheidsbehoeftes verander deur die dekades – van ’n stralende skoongesigvoorkoms in jou 20’s tot die sofistikasie, volwassenheid en… wel, uitdagings van jou 50’s en later jare. In hierdie reeks van drie dele kyk ons na jou vel-, grimeer-en harebehoeftes deur die jare sodat jy op alle ouderdomme op jou mooiste kan lyk
SOPHIE TURNER(25)
IN JOU 20’S
EERSTE PLOOIE In jou vroeë 20’s is jou vel op sy beste – die endokriene stelsel is aktief en stimuleer die hormone wat sebum vervaardig om die vel te bevog en te beskerm.
Die velselle word flink en vinnig elke 14 tot 25 dae met nuwes vervang.
