JOU ouers of onderwysers het dalk al vir jou gesê: “Wees meer aktief, dis goed vir jou!”
Maar hoekom is ’n aktiewe leefstyl vir ons so voordelig? En gaan dit net daaroor om in die gim te boer en marathons kaf te draf? Ons leer jou dié week meer.
BEGIN BEWEEG! MAAR HOEKOM?
As jy oor jou liggaam nadink, sal jy agterkom baie daarvan is ontwerp om te kan beweeg. Bene, spiere, gewrigte en senings werk saam om dit vir ons moontlik te maak om aktief te wees. Jy kan aan jou liggaam dink as ’n masjien wat wonderlike dinge kan doen.
