Jou storie
Deur die geskiedenis heen verdien plaasvroue hul eie geldjie. Sien, Manlief sorg vir werktuie, die plant van mielies en sojabone, nuwe bulle en die werkers se lone. Maar plaasvroue betaal vir Sussie se leerstewels, die blommetjies in die voortuin en ’n lekker seevakansie op Amanzimtoti.
Dertig jaar gelede het plaasvroue kubusmelk op die kombuistafel gekweek en toiletoortreksels met valletjies gehekel. Later het hulle trourokke gemaak, hoendereiers verkoop en perskes ingelê. Vandag kweek hulle blomme of groente in plastiektonnels, boer met wild en bedryf gastehuise in plaashuise wat leeg staan. Die dapperes (wat Engels kan praat) gee selfs aanlyn klas vir Chinese kinders. En dan is daar diegene wat ouma Bettie se erfgeldjies en jare se verkope van nastergalkonfyt gebruik as deposito om ’n eiendom op die dorp te koop.
Kyk, daar is wonderlike huurders op hierdie aarde. Jong
