PALMBOME, huise wat uitkyk op die eindelose oseaan en ’n eksotiese landskap het van Hawaii ’n stukkie hemel op aarde gemaak.
Nou lyk dit meer soos ’n oorlogsone – ’n verbrande niemandsland gestroop van lewe.
Die verwoesting wat wegholbrande vandeesmaand op die eiland Maui veroorsaak het, is nog nie voorheen op hierdie skaal gesien nie. Byna ’n hele dorp is van die kaart afgevee, geboue en motors is tot as verbrand, en duisende mense is haweloos en sonder hoop gelaat.
Teen ons druktyd het meer as 100 mense gesterf op dié eiland met sy bevolking van minder as 200 000. Meer as 10 000 inwoners moes hul huise ontruim, en talle van die huise is verwoes toe vlamme ’n pad deur die eiland se dorpies gebrand het.
Vier verskillende brande het op verskillende dele van die eiland gewoed, aangeblaas deur