kos & onthaal
MOSSELS IN’N PREI-EN-WITWYNSOUS
Hierdie is ’n heerlik delikate seekosgereg wat vinnig en maklik is om te maak – net wat jy nodig het vir onthaal.
Genoeg vir: 4
Bereidingstyd: 20 minute
Gaarmaaktyd: sowat 30 minute
♥ 400 g spaghetti of lang, dun pasta van jou keuse
♥ 60 ml olyfolie
♥ 4 preie, fyngesny
♥ 2 selderystele, gekap
♥ 3 knoffelhuisies, fyngekap
♥ 800 g-1 kg vars mossels of bevrore mossels in halwe skulpe
♥ 250 ml droë witwyn
♥ 10 ml gerasperde suurlemoenskil
♥ 30 ml vars suurlemoensap
♥ ’n hand vol vars Italiaanse pietersielie, grofgekap
♥ 125 ml room
1 Kook die pasta tot al dente in ’n groot kastrol vol kokende soutwater. Laat dit dreineer, maar behou 250 ml van die kookvloeistof.
2 Terwyl die pasta kook, verhit die olyfolie in ’n groot kastrol oor matige hitte. Voeg die preie en seldery by en soteer dit tot sag. Voeg die knoffel by en soteer dit vir nog 2 minute.
Voeg die mossels en wyn by. Sit die deksel op en laat dit vir 5-8 minute prut tot die mossels oopgemaak het. Gooi alle mossels weg wat
