ALMAL weet die covid-inperkings het ons geestesgesondheid beproef. Soveel sielsondersoek en nadenke. Waarheen is my lewe op pad? Is dit die mens met wie ek die res van my lewe wil deurbring?
Maar die Londense uroloog Gordon Muir het iets anders opgemerk: Sommige mans het hulself in die badkamerspieël begin bekyk en gevra: Is dit die penis waarmee ek die res van my lewe wil deurbring?
“In die pandemie het baie jong mans ure lank pornografie gekyk en terselfdertyd nie behoorlik gesosialiseer nie. Gevolglik het hulle hulself met porno begin vergelyk – mense wat statisties gesproke ekstreem is. Dit is soos om heeldag basketbal te kyk en dan te besluit: Ek behoort twee meter lank te wees. Die volgende stap was dat hulle operasies vir penisvergroting ondergaan het. En met die hersteltyd wat hulle kon kry omdat hulle van die huis af gewerk het, het dit tot ’n grootskaalse slagting gelei.”
Die internasionale vereniging vir estetiese plastiese chirurgie het wêreldwyd ’n beduidende toename in chirurgiese en ook niechirurgiese prosedures sedert die pandemie aangeteken. Meer borsinplantings en operasies om boude te lig. En ook meer chirurgiese en niechirurgiese penisvergrotings.
Een bekende kliniek in Londen, Moorgate Andrology, sê die vraag na “vullers” was groot. “Ons was ’n rukkie gedurende die inperking gesluit, maar toe ons weer oopmaak, het die vraag na vullers deur die dak geskiet,” sê Michael Mills van Moorgate.
Gordon help meestal mans met behandelings ná kanker of erektiele disfunksie. Maar ’n ander deel van sy werk is om reg oor die wêreld te vlieg om rampspoedige kosmetiese peniswerk reg te stel.
“Die tragedie is dat daar in die eerste plek gewoonlik niks ongewoons aan hul geslagsdeel was nie,” sê hy. “ ’n Penis van 13 cm styf en 9 cm wanneer dit sag is, is gemiddeld. Maar die inperking het heelparty mans, veral
