SY HET hom die liefde van haar lewe genoem, haar rots en anker, die beste mens saam met wie jy kan kinders grootmaak. En sy het seker gemaak sy is die laaste maande van sy lewe langs hom.
Vir die meeste mense buite Sandra Bullock se onmiddellike kring was die nuus van haar lewensmaat, Bryan Randall, se dood ’n skok. Niemand het geweet hy is siek nie, wat nog te sê dat hy drie jaar lank teen ’n verlammende siekte gestry het.
Dis hoe die 57-jarige fotograaf dit wou hê, sê sy familie.
“Bryan het vroeg reeds gekies om sy reis met ALS privaat te hou, en dié van ons wat hom versorg het, het ons bes gedoen om sy versoek te respekteer,” lui ’n
