1 ‘WATER VAN ’N EEND SE RUG’
Só reageer Clint Brink op kuberboelies wat hom spot oor sy Instagramplasings waarin hy vertel hoe hy dit geniet om hul babadogtertjie te versorg
Julle is pragtig. Geniet jul bondeltjie vreugde, en basta met die mense wat lelik is met julle. Dis jul lewe en hulle het geen eiertjie te lê daaroor nie. Ek wonder of diegene wat so afgaan se lewens volmaak is. Ek twyfel.
ANNEMARIE
’n Paar jaar gelede was ek by ’n geleentheid wat Clint en sy vrou bygewoon het. Toe hulle aankom, sê hy ewe vir my: “Hallo, aunty.” Ek kon my lag nie hou nie. Niks hoogdrawend en aanstellerig nie, hy is sout van die aarde.
INGE
Clint Brink, dit is jou kind en jou eersteling. Doen wat jy voel is reg en wees daardie ster-pa. Saam is jy en jou vrou ster-ouers. Werk jul program, roetine en lewe uit soos dit julle as gesin die beste pas.
ANTOINETTE