Aartappel-maalvleisrol
Weergawes van dié formidabele aartappelrol is die internet vol – me alles van lensiebredie tot spek en eiers in die bros aartappellagie opgerol. Die oorspronklike Tasty.co-video het ons weergawe geïnspireer. (Sien stap-vir-stap-foto’s op bl. 110)
Maak 6 skywe • Voorbereiding: 50 minute Gaarmaaktyd: 45 minute • Oondtemperatuur: 180 °C
• olyfolie vir smeer en vlakbraai
• sowat 200 ml gerasperde parmesaankaas
• 6 aartappels, geskil en in 2 mm-skyfies gesny
• 15 ml olyfolie
• 1 klein ui, gekap
• 500 g maalvleis
• 5 ml braaivleisspeserye (kies jou gunsteling)
• 1 blik (400 g) gekapte tamaties
• ’n groot hand vol babaspinasieblare, geblansjeer
• 300 g ricottakaas
• rooipeper, vars vinkelblare en gerasperde suurlemoenskil na smaak
• 2 eiervrugte, in skyfies gesny en gaar gerooster
• ’n strooisel gekapte pietersielie
• sowat 9 skyfies mozzarellakaas
1 Voorverhit die oond. Voer ’n reghoekige bakplaat (sowat 29 x 34 cm) met bakpapier uit en smeer met ’n bietjie olyfolie. Strooi ’n lagie parmesaankaas oor die oppervlak en rangskik die aartappelskyfies in rye sodat die skyfies effens oorvleuel en ’n kammosselpatroon vorm. Strooi nog ’n bietjie parmesaan oor, geur met ’n knippie sout en bak vir 30 minute tot goudbruin en gaar.
Verhit ’n skeut olyfolie en braai die ui tot glansend. Voeg die maalvleis by en braai tot gaar. Geur goed na smaak met vir byt. Roer die tamaties by en laat prut tot ingedamp en taamlik droog. Laat afkoel.