‘DAAR WAS DAE AANEEN DAT JUNGLE OATS DIE ENIGSTE DING OP DIE SPYS-KAART WAS’
MOOI was nog nooit lelik nie – vra maar die vroue wat elke aand getrou voor die kassie inskuif, almal vir dieselfde rede: om die aantreklike Jaques de Silva (37) te sien.
7de Laan was sy groot deurbraak nadat hy jare lank sy passie vir drama uitgeleef het op die verhoog en in TV-reekse soos Isono, Grassroots en High Rollers te sien was. Maar toe kom die rol van Denzil Jonker oor sy pad – die nuwe eienaar van Oppiekoffie in Hillside. “Ek het met grootgeword, en om nou deel van die gewilde reeks te wees, is ongelooflik, en soms intimiderend,” lag Jaques.
