ELKE dag wat klein Rainhardt saam met sy ouers kan deurbring, is nog ’n dag waarvoor hulle diep dankbaar is
Toe hul eersteling twee jaar gelede met onderontwikkelde niere gebore is, het dokters vir Daryll en Pascale Engelbrecht gesê om die meeste te maak van die tyd wat hy by hulle is, want hy sou nie lank lewe nie.
Al hoop op oorlewing vir ’n kind met twee onderontwikkelde niere – ’n seldsame toestand genaamd bilaterale multisistiese displastiese niere – is ’n nieroorplanting.
“Rainhardt moet minstens 10 kg weeg voor hy ’n oorplanting kan kry, en nou weeg hy net 8,2 kg,” verduidelik Daryll (33) hul dilemma.
“Ons doen alles in ons vermoë om hom daar te kry,” voeg Pascale