Om in Botswana in die bos te kamp is ’n ervaring wat jy nooit vergeet nie. Jy gaan weer en weer wil gaan.
Dis besonders wanneer jy kamp met geen heining tussen jou en die wild nie – iets wat nie juis in Suid-Afrika moontlik is nie. Sedert ek die eerste keer vroeg in die 1990’s in die Sentraal-Kalahari-wildreservaat in die bos gekamp het, het ek na dieselfde soort ervaring binne Suid-Afrika gesoek.
Ek het sowat 13 jaar gelede die eerste keer van die Botsalano-wildreservaat gehoor. Ek is gedurig op forums, blogs en sosialemediaplatforms op die uitkyk na nuwe boskampe en ek het oor Botsalano op die SA 4x4 Community Forum ( ) gelees. Kort daarna het ek en my vrou Botsalano vir
