![f0098-01](https://article-imgs.scribdassets.com/mup4x5mo0b5vg5l/images/fileUS62O8Q9.jpg)
SY SPAN en aanhangers noem hom “Tricky Ricky”. Dis maklik om te sien hoekom. Dis ’n systap hier, ’n fop daar… en siedaar, hy’s oor die doellyn!
Vir sy towerkunsies is Ricardo Duarttee (25) in Mei as Wêreld-Sewesrugby se Nuweling van die Jaar bekroon. Aan Huisgenoot vertel hy toe hy in Londen se Twickenham-stadion na die verhoog stap, “het ek in my hart geweet: Ek hoort hier.”
Maar daardie sekerheid het die Blitsbok-sensasie ’n paar jare gelede glad nie gehad nie. Hy moes hard soek om homself te vind – en uit pure frustrasie het hy dan alte maklik vuisgeslaan, erken Ricky vandag in sy ouerhuis in Brackenfell.
“Ek wou na ’n hoërskool gaan waar ek raakgesien kon word,” vertel hy oor sy skooljare. Hy het ingekom by ’n spogskool in die