DIE skoot het skokgolwe deur sitkamers landwyd gestuur. Want al was die sluipskutter se koeël nie vir hom bedoel nie, was dit die geliefde apteker AB Samsodien wat bebloed platgeval het. In hartverskeurende tonele het AB se vrou, Mymoena, hom in haar arms vasgehou en langs sy hospitaalbed gehuil. En in hul sitkamers het kykers saam gehuil.
Die akteurs Cedwyn Joel en Jill Levenberg se spel as AB en Mymoena was so oortuigend dat sommige aanhangers van Suidooster beswaar gemaak het omdat sy sterftoneel so ontstellend was om te aanskou.
Ook Jill se rou vertolking van ’n verpletterde Mymoena het kykers laat wonder uit watter persoonlike seer sy moes put om