DIT was veronderstel om soos die gelukkige slottoneel van ’n sprokie te ontvou: ’n Amerikaanse egpaar sou die dogter kry waaroor hulle gedroom het, en ’n jong weeskind uit Oekraïne sou oplaas ’n liefdevolle huis kry.
Maar daar is een kinkel ná die ander. En toe, een nag, staan die aanneemkind langs die Barnett-egpaar se bed in Lafayette, Indiana, met ’n mes in haar hand.
Só beweer die Barnetts in Discovery ID se nuwe dokumentêre reeks, . Volgens hulle was Natalia veel ouer as die kind wat sy voorgegee het om te wees toe hulle haar aangeneem het. En hulle hou vol sy is geestelik versteur. Die sage het al in die hof gaan draai, maar steeds is daar vrae wat in Discovery se dokkiereeks
