DIT is vir baie vroue ’n doodgewone en voorspelbare deel van hul maandelikse siklus, maar vir haar was menstruasie altyd ’n pynlike nagmerrie.
Dis seker maar normaal, het Chelsea Albrecht (24) gedink oor dié foltering wat sy so gereeld moes deurmaak.
“Ek het nooit gedink iets is fout nie,” sê sy. “Ek het nie dokter toe gegaan omdat my menstruasie seer was nie. Ek kon soms nie uit my bed klim nie. Ek het soms twee tot drie keer per maand gemenstrueer. Ek het altyd gedink dis normaal.”
Maar toe matrikuleer sy en besluit om ’n jaar oorsee as kinderoppasser te gaan werk. As deel van die voorbereidings moes sy ’n dokter vir ’n algemene gesondheidstoets sien.
“My dokter het gesien
