BROCCOLI-&-CHEDDAR-SOP
BEREIDING EN GAARMAAK: 20 MIN. / GENOEG VIR 4 MENSE
’n Dekadente sop wat jy by jou weeklikse spyskaart kan voeg, veral in die koue wintermaande. As jy hou van broccoli en kaas, is die sop – voorgesit saam met gebotterde roosterbrood – die perfekte hoofmaaltyd of voorgereg.
◗ 15 ml (1 e) olyfolie
◗ ½ ui, fyngekap
◗ 1 knoffelhuisie, fyngemaal
◗ 1 groot wortel, gerasper
◗ swartpeper, na smaak
◗ 5 ml (1 t) paprika
◗ 1 kop broccoli, in blommetjies gebreek
◗ 5 ml (1 t) hoenderbraaispeserye
◗ 500 ml (2 k) hoenderaftreksel
◗ 250 ml (1 k) melk
◗ 30-45 ml (2-3 e) mielieblom
◗ 250 ml (1 k) vars room
◗ 60 g cheddarkaas, gerasper
t – teelepel/s e – eetlepel/s k – koppie/s
1 Verhit die olie in ’n kastrol oor matige hitte. Voeg die ui en knoffel by en smoor sowat 1 min.
2 Voeg die wortel by en roer; geur met die swartpeper. Voeg die paprika en broccoli by en braai ongeveer 1 min. Voeg die braaispeserye by en braai sowat 2 min. Voeg die aftreksel by en laat 8-10 min. prut.
Meng intussen die melk en mielieblom en
