BIBI is vandag baie opgewonde. Sy weet klaar waaroor die vraag van die dag gaan, en sy kan nie wag om dit met haar maats Paloeka die leeu en Palawa die kameelperd te deel nie.
Sy het ook ’n groot bak met gekleurde vetkryte bymekaar gekry, want sy beplan ’n prettige dag hier in die Babbelboomhuis.
“Waar draai julle? Toe-toe. Ek dink dit is tyd dat ons na die videoboodskap luister,” jaag Bibi vir Paloeka en Palawa aan toe hulle by die boomhuis opdaag. “Bibi, jy is darem haastig,” sê Palawa en gaan sit.
